प्रदेश २ः मन्दिर परिसरभित्र रहेको मुख्यमन्त्री गद्दीको होडिङ बोर्ड जलाइयो

यसअघि जनकुरधामस्थित जानकी मन्दिरमा लगाइएको होर्डिङ बोर्डहरु समेत स्थानीय केहि युवाले भत्काइदिएका थिए ।

२०७८ भदौ २९ मंगलबार
बिहान १०:२३ बजे
न्यूज ब्यूरो, डेस्क

न्यूज ब्यूरो, राजविराज । प्रदेश नम्बर २ को मुख्यमन्त्री मो. लालबाबू राउत गद्दीको तस्विर अँकित पोष्टर मन्दिर परिसरबाट जलाइएको छ । 

गद्दीको फोटो लगाइएको होर्डिङ् बोर्ड जलाएको भन्दै एक जना अभियानीलाई प्रहरीले सप्तरीबाट पक्राउ गरेको छ ।

हनुमाननगर कंकालिनी नगरपालिका वडा नम्बर १ भारदहस्थित कंकालिनी मन्दिर प्राङणमा प्रदेश सरकारको स्वच्छता अभियान सम्बन्धी होर्डिङ बोर्ड जलाएको भन्दै राष्ट्रिय एकता अभियानकी उपाध्यक्ष सुनिता साहलाई पक्राउ गरिएको प्रहरीले जनाएको छ ।

इलाका प्रहरी कार्यालय भारदहको टोलीले साहलाई पक्राउ गरेको सप्तरी प्रहरीका प्रबक्ता माधव प्रसाद काफ्लेले जानकारी दिए । 

उनका अनुसार, पक्राउ परेकी साहलाई जिल्ला प्रहरी कार्यालय, राजविराज ल्याउने तयारी भइरहेको छ ।

मन्दिर प्राङ्णभित्र होर्डिङ् बोर्ड लगाएर मन्दिरको सौन्दर्यतामा असर पारेकाले आफूहरुले जलाएको अभियानकी उपाध्यक्ष साहले बताएकी छन् ।

यसअघि जनकुरधामस्थित जानकी मन्दिरमा लगाइएको होर्डिङ बोर्डहरु समेत स्थानीय केहि युवाले भत्काइदिएका थिए ।

अभियानी साहलाई पक्राउ गरेपछि राष्ट्रिय एकता अभियानले एक प्रेस विज्ञप्ती जारी गर्दै उनलाई रिहाईको माग गरेको छ । समाजिक सँजालमा समेत साहको रिहाईको माग विभिन्न तवरबाट गरिएको छ । 

मन्दिरमा बली प्रदान गर्ने स्थलमै मुख्यमन्त्री गद्दीको बोर्ड सुनुयोजित र षडयन्त्रपूवर्क लगाएको ठहर गर्दै अभियानले बारम्बार बोर्ड हटाउन चेतावनी दिएपनि नहटाएपछि बोर्ड जलाएको बताइएको छ । 

विज्ञप्तिमा अभियन्ताहरुले बोर्ड जलाएको बताउँदै राष्ट्रि एकता अभियानकी उपाध्यक्ष समेत रहेकी साहलाई यथाशिघ्र रिहाई गर्न माग गरेको हो । 

  • 100%
  • 0%
  • 0%
  • 0%
  • 0%
  • 0%

जानकी मन्दिर मडवामा ईस्लामिक झण्डा लिएर टिकटक बनाउने युवकमाथि निवेदन, प्रहरी खोज्दै 

  • २०७८ भदौ २९ मंगलबार

न्यूज ब्यूरो, जनकपुरधाम । हिन्दुहरुको आस्थाको केन्द्र जनकपुरको जानकी मन्दिरस्थित विवाहमण्डप (मडवा) मा ईस्लामिक झण्डा लिएर टिकटक बनाएको भन्दै प्रशासनमा निवेदन परेको छ ।  विवाहमण्डपमा ईस्लामिक झण्डा फहराउँदै टिकटक भिडियो बनाएपछि

पूरा पढ्नुहोस्

Bureau Menus