बस दुर्घटना हुँदा २८ जनाको मृत्यू, कैयौँको अवस्था गम्भिर, हेलिकप्टरबाट उद्धार गरिदै 

२०७८ असोज २६ मंगलबार
दिउसो ४:५२ बजे
न्यूज ब्यूरो, डेस्क
यो तस्विर गुगलबाट लिएर साँकेतिक प्रयोजनको लागि मात्र प्रयोग गरिएको छ ।

न्यूज ब्यूरो, काठमान्डौँ । मुगुको पिनाटपने खोलामा भएको बस दुर्घटनामा २८ जनाको मृत्यु भएको छ । आज भएको घटनामा २४ जनाको घटनास्थलमै मृत्यु भएको हो ।

भे १ ख ३१६७ नम्बरको बस सडकबाट २ सय मिटर तल खस्दा घटना भएको हो । दुर्घटनामा परेको बसमा दशैं मनाउन घर जान लागेका यात्रु भएको बुझिएको छ ।

बस नेपालगञ्जबाट मुगु सदरमुकाम गमगढीतर्फ गइरहेको थियो । घटनास्थलमा उद्धार कार्य भइरहेको बुझिएको छ । उपचारको क्रममा ४ जनाको मृत्यू भएको हो । 

घटनाबारे छानविन समेत बढाइएको छ । १४ जना घाइतेमध्ये अधिकांशको अवस्था गम्भीर छ । उनीहरुलाई हेलिकोप्टरमार्फत् समेत उद्धार गरी अस्पताल पुर्याइएको छ ।

 बसमा ३९ यात्रु सवार थिए । प्रदेश प्रहरी प्रमुख डिआईजी गणेशबहादुर ऐरले सो घटनामा २८ जनाको मृत्यु भएको प्रारम्भिक विवरण आएको बताए । मृतकको संख्या बढी हुन सक्ने उनले  बताए ।

घाइते १२ जनालाई उपचारका लागि समिट एअरको विमानमार्फत नेपालगञ्ज लगिएको छ भने बाँकी घाइतेको उद्धारका लागि सुर्खेतबाट नेपाली सेनाको हेलिकोप्टर मुगुको ताल्चा विमानस्थलतर्फ पठाइएको प्रदेश प्रहरी कार्यालयका सूचना अधिकारी प्रहरी निरीक्षक जीवन लामिछानेले जानकारी दिए ।

सामान्य घाइतेको मुगु जिल्ला अस्पतालमा उपचार भइरहेको छ । घाइतेको उद्धारका लागि प्रमुख जिल्ला अधिकारी रोमबहादुर महतका साथै सबै सुरक्षा निकायका प्रमुखहरु खटिरहेको जनाइएको छ । 
 

  • 0%
  • 0%
  • 33%
  • 0%
  • 33%
  • 33%

जनता समाजवादी पार्टी (जसपा) को समायोजन आज 

  • २०७८ असोज २६ मंगलबार

न्यूज ब्यूरो, जनकपुरधाम । जनता समाजवादी पार्टी (जसपा) मधेश प्रदेश (प्रदेश–२) कमिटीको समायोजन आइतवार हुने भएको छ । पूर्व राजपाका नेता, कार्यकर्ताहरुलाई प्रदेश कमिटीमा समायोजनको घोषणा गरिनेछ । जसपाको पदेश कमिटी

पूरा पढ्नुहोस्

Bureau Menus