उपचुनावः बिहारमा जलेन लालुको जातीवादको लाल्टिन, काँग्रेसको जमानत जफ्त

बिहारको उपचुनावमा काँग्रेसको हालत खराब भयो । दुवै स्थानबाट काँग्रेस चौथो नम्बर बनेर रहयो ।

२०७८ कार्तिक १७ बुधबार
बिहान ०९:३० बजे
न्यूज ब्यूरो, डेस्क

न्यूज ब्यूरो, भारत ।  छिमेकी मुलुक भारतको विहार राज्यमा भएको उपचुनावको मत परिणाम आएको छ । 

विहारको कुशेश्वरस्थान र तारापुर विधानसभा सीटमा उपचुनाव भयो । यस उपचुनाको नतिजा समेत आईसकेको छ । काँग्रेसले आफ्नो गठबन्धन राष्ट्रिय जनता दल (आरजेडी) सँग गठबन्धन फुटाउने घोषणा गरिदियो र दुवै सिटको लागि आफ्नो उम्मेदवार उतारे, अब नतिजा आईसकेको छ । 

उपचुनावमा सत्ताधारी जनता दल युनाईटेड (जेडियू) ले दुवै सिटमा आफ्नो कब्जा कायम राख्न सफल भएको छ । दुईटै सिटमा जेडियुलाई आरजेडी (लालु प्रसाद यादव नेतृत्वको पार्टी) ले टक्कर दियो । 

नयाँ पार्टी लोक जनशक्ति पार्टी (रामविलास पासवान)र नयाँ चुनाव निसानको साथ चिराग पासवानले आफ्नो उम्मेदवार मैदानमा उतारेका थिए । चिरागको पार्टी दुवै सिटमा तेस्रो स्थानमा रहेको छ । सबभन्दा खराब स्थिति काँग्रेसको भएको छ । 

काँग्रेसको तर्फबाट चुनाव लडने उम्मेदवार जीत त परको कुरा, आफ्नो जमानत समेत बचाउन असफल रहयो । बिहारमा एक्लै चुनाव लडने दम्भमा रहेको काँग्रेसले आफ्नो जमानत बचाउको लागि आवश्यक परेको भोँट समेत प्राप्त गर्न सकेनन् । चिरागभन्दा पनि कन्हैयाको भोँट खराब रहयो । 

नियम बमोजिम कुनै पनि उम्मेदवारले आफ्नो जमानत बचाउको लागि कुल मतको १६.६६ प्रतिशत भोँट प्राप्त गर्नुपर्छ । कुशेश्रस्थानबाट काँग्रेसको उम्मेदवार अतिरेक कुमारको ४.२७ प्रतिशत मात्र भोँट भयो भने तारापुरका उम्मेदवार राजेश मिश्र मात्र २.१० प्रतिशत भोँट ल्याउन पाए । 

बिहारको उपचुनावमा काँग्रेसको हालत खराब भयो । दुवै स्थानबाट काँग्रेस चौथो नम्बर बनेर रहयो । कुशेश्वर स्थानमा काँग्रेसका प्रत्यासी अतिरेक कुमारलाई कुल भोँट ५६०२ प्राप्त भयो जो कुल भोँट १३०९९६ को मात्र ४.२७ प्रतिशत हो । 

यस्तै, तारापुरबाट काँग्रेस प्रत्यासी राजीव मिश्राले मात्र ३५७० भोँट प्राप्त गरे । जो कुल भोँट १६९४०१ को मात्र २.१० प्रतिशत हो । दुवै स्थानलाई जोडेपनि कुल भोँटको काँग्रेसले मात्र ३.०५ प्रतिशत हुन्छ । 

  • 0%
  • 0%
  • 29%
  • 0%
  • 57%
  • 0%

'जनकपुरको देवपुरा रुपैठामा मुस्लिमहरुले छठ व्रतालुसँग प्रत्येक वर्ष निहुँ खोज्छन्' (भिडियोसहित)

  • २०७८ कार्तिक १७ बुधबार

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामको देवपुरा रुपैठास्थित त्यहाँको मुस्लिम समुदायका व्यक्तिहरुले प्रत्येक वर्ष छठ व्रतालुसँग झगडाको निहुँ खोजेको आरोप लगाइएको छ ।  जनकपुरधाम उपमहानगरपालिका वडा

पूरा पढ्नुहोस्

Bureau Menus