जनकनन्दिनी गाउँपालिकामा युवाहरुले अनुमानित रकमलाई खर्च भनेर भ्रम फैलायोः अध्यक्ष शेख 

२०७८ मङ्सिर २ बिहीबार
बेलुकी ७:१७ बजे
न्यूज ब्यूरो, डेस्क
File Photo

न्यूज ब्यूरो, जनकपुरधाम । धनुषाको जनकनन्दिनी गाउँपालिकाको अनुमानित रकमलाई जस्ताको त्यस्तै सारेर केही युवाहरुले गाउँभरि नै भ्रम फैलाएको आरोप लगाइएको छ । 

जनकनन्दिनी गाउँपालिकाका अध्यक्ष अब्दुल बारिक शेखले जनमत पार्टीका कार्यकर्ताहरुले खजुरी, चन्हा, महुवामा रेडबुकको अनुमानित बजेटलाई आधार मानेर खर्च गरेको भन्दै भ्रम फैलाएको बताएका छन् । 

रेडबुकको विभिन्न शिर्षकमा लागि आर्थिक वर्ष २०७७÷०७८ को लागि अनुमान गरिएको बजेटलाई नै प्रिन्ट गरी त्यतिको रकम खर्च गरेको भनेर विभिन्न ठाउँमा पर्चा लगाएको पाइएको छ । 

जनमत पार्टीको गाउँपालिका कार्य समितिले गाउँपालिकाको कार्यालय, बजार, चौक चोराहामा अनुमानित बजेटलाई खर्च गरेको भनेर प्रचारवाजीप्रति आपत्ति जनाएका छन् । 

न्यूज ब्यूरोसँग कुराकानी गर्दै गाउँपालिका अध्यक्ष शेखले रेडबुकमा प्रकाशित अनुमानित रकमलाई नै आधार बनाएर त्यतिको रकम खर्च गरेको भनेर परचामा लेखिदिएका छन् । जबकी, अनुमानित बजेटबाट कामजति मात्र खर्च गर्न मिल्ने र त्यो भन्दा कम नै खर्च भएको बताए । 

कोरोना महामारीको बेला कोरोनामा खर्चको लागि ३ करोड ६६ लाख ३० हजार रुपैयाँ बजेट अनुमान गरिएको थियो । सोही शिर्षकलाई त्यतिको रकम खर्च भएको भनेर टाँसिदिएका छन् । सो रकम अनुमानित बजेट रकम मात्र रहेको उनले बताए । 

अध्यक्ष शेखका अनुसार, सो आर्थिक वर्षमा असार मसान्त नै प्रकोप व्यवस्थापन कोषबाट कुल ३४ लाख ६८ हजार १ सय ५९ रुपैयाँ मात्र खर्च भएको बताए । उनले रेडबुकमा विनियोजन गरिने रकमको केही प्रतिशत मात्र खर्च भएको बताए । 

कोरोनाको शिर्षक सहित अन्य खर्चहरु मिलाएर कोरोना कालमा कुल खर्च ३४ लाख रुपैयाँ मात्र भएको भएपनि जनमत पार्टीका युवाहरुले ३ करोड ६६ लाख ३० हजार जो की विनियोजन मात्र छन् सोही उतार गरी टाँसिदिएको आरोप लगाए । 

प्रदेश सरकारबाट अनुदान पाएको १० लाख सहित कर्मचारीको पारिश्रमिक, कार्यालय सँचालन खर्च, औषधी खरिद, उद्धार, राहत तथा पुनस्र्थापना खर्च गरी कुल ३४ लाख ६८ हजार १ सय ५९ रुपैयाँ मात्र खर्च भएको बताए । 

जनमत पार्टीका कार्यकर्ताहरुले राहतको लागि विनियोजन गरिएको ४२ लाख रुपैयाँलाई खर्च गरेको भनेर उल्लेख गर्दै पर्चा टाँसेपछि गाउँपालिका अध्यक्ष शेखले राहत उद्धारमा मात्र २४ लाख ९९ हजार २ सय ९३ रुपैयाँ खर्च भएको बताए । सो आर्थिक वर्षको लागि विनियोजित रकमलाई खर्च गरेको भनेर भ्रम फैलाएको शेखले थपे । 

यसका साथै, जनप्रतिनीधि र कर्मचारीहरुले ईन्धनमा मात्र ३३ लाख ४७ हजार रुपैयाँ विनियोजन गरेकोमा सो आर्थिक वर्षमा १७ लाख रुपैयाँ खर्च भएको बताएका छन् । प्रदेश सरकारले अध्यक्ष, उपाध्यक्ष, वडाध्यक्ष सहित कर्मचारीलाई प्रति महिनाको दरले तोकिदिएपछि फजुल खर्च गर्न नपाइने व्यवस्था छ । विनियोजित रकम ४२ लाख रहेकोमा खर्च मात्र १७ लाख भएको बताइएको छ । 

यस्तै, ईन्टरनेट खर्चमा मात्र २४ लाख ८२ हजार रुपैयाँ विनियोजन गरिएकोमा ३१ हजार ८ सय ७० रुपैयाँ मात्र खर्च भएको हो । जबकी सोही रकमबाट चाडपर्व खर्च शिर्षकमा जनप्रतिनीधिहरुले सुविधा पाउँदै मासिक सुविधा सहित कुल ९ लाख ४९ हजार रुपैयाँ खर्च भएको देखिएको छ । 

अध्यक्ष शेखले विनियोजित गरिएको रकमलाई उतार गरी सार्वजनिक स्थलहरुमा टाँसेर आम नागरिकमा खर्च भन्दै भ्रम फैलाएकोप्रति आपत्ति जनाए । उनले यस्ता भ्रममा नपर्न सबैमा आग्रह समेत गरे । 

उनले जनमत पार्टीका कार्यकर्ता नेताहरु उर्जाशिल र लगनशिल भएको भन्दै प्रशँसा समेत गरे । उनले डाटा नबुझेर विनियोजित रकमलाई टाँस गरिएको भन्दै यस्ता गतिविधि सुधारको लागि आग्रह समेत गरे । 


 

  • 67%
  • 0%
  • 0%
  • 0%
  • 0%
  • 0%

ओमिक्रोनको पहिलो सँक्रमति होटलबाटै भागे 

  • २०७८ मङ्सिर २ बिहीबार

न्यूज ब्यूरो । कोरोना भाइरसको नयाँ भेरियन्ट भनिएको ओमिक्रोन (Omicron) सँक्रमित एक जना होटलबाटै भागेको बताइएको छ ।  छिमेकी मुलुक भारतमा कोरोनाको नयाँ भेरियन्ट ओमिक्रोनको दुई सँक्रमित फेला परेको मध्ये एक

पूरा पढ्नुहोस्

Bureau Menus