धनुषाः साढे पाँच लाख रुपैयाँसहित कपाली तमसुक समेत चोरी 

२०७९ कार्तिक ११ शुक्रबार
रति ९:२५ बजे
न्यूज ब्यूरो, डेस्क

न्यूज ब्यूरो, जनकपुरधाम । धनुषा जिल्लाको कमला नगरपालिकास्थित एक घरबाट कपाली तमसुक समेत चोरी भएको छ । 

कमला नगरपालिका वडा नम्बर ३ पर्सा बस्ने स्थानीय विनोद मलखाद वितरण केन्द्र (डिलर) का सँचालक रामसुफल यादवको घरबाट दिपावली (तिहार) को बिहानपल्ट घरमा कोही नभएको मौका छोपेर ५ लाख ४० हजार रुपैयाँ नगद सहित कपाली तमसुक समेत चोरी भएको पीडित परिवारले जनाएको छ । 

तिहारमा रामसुफलकी श्रीमति आफ्नो माईत गएपछि घरमा कोही नभएको अवस्थामा नलको डन्डाले ताल्चा एवम् ढोका फुटाएर नगदसहित कपाली तमसुक चोरी गरेको प्रहरी चौकी माचि झिटकैयाले जनाएको छ । 

बाकसमा भएको सरसमान तथा घरमा विभिन्न तीन स्थानमा राखिएको ५ लाख ४० हजार नगद चोरी भएको पीडित परिवारलाई उदृत गर्दै प्रहरीले जनाएको छ । 

ब्याजमा लगाएको लगानीको कपाली तमसुक समेत छ्यासमिस गरेको बताइएको छ । सो कागजातबाट केही कागजात चोरी भएको हुन सक्ने अनुमान गरिएको छ । 

रामसुफलको घरदेखि करिब १५० मिटरको दुरीमा गाउँको पश्चिमतर्फ रहेको नगर डिहबारको मन्दिरको नल (कल) को डन्डा छुटाएर सोही डन्डाले ढोका फुटाएको बताइएको छ । 

पीडितका अनुसार, चोरी गर्ने व्यक्ति अझै पहिचान नभएपनि केही सबुत प्रमाण छाडेको बताएका छन् । उनले यकिन गरी चोर सार्वजनिक गर्ने बताउँदै यसको लागि प्रहरीले समेत निगरानी थालेको बताए । 

यता, प्रहरी चौकी माचि झिटकैयाका असई दशरथ प्रसाद यादवले सो घटनालाई तादरुकताको साथ लिएको तथा अनुसन्धान जारी रहेको बताए । 

  • 18%
  • 41%
  • 7%
  • 5%
  • 7%
  • 12%

उपमेयरको आवेग र मेयरको हठ्ठले धनुषाको कमला नगरपालिका चौपट्ट

  • २०७९ कार्तिक ११ शुक्रबार

न्यूज ब्यूरो, जनकपुरधाम । पूर्वी धनुषा जिल्लाको कमला नगरपालिका उपमेयरको आवेग र मेयरको हठ्ठ (जिद्द) ले नगरपालिकाको कामकाज चौपट्ट भएको छ ।  असार १० गतेभित्रै नगरसभा सम्पन्न गर्नुपर्ने प्रावधान अनुसार नीति

पूरा पढ्नुहोस्

Bureau Menus