न्यूज ब्यूरो, जनकपुरधाम । बाजुराको स्वामिकार्तिक खापर गाउँपालिकामा मतपेटिकामा आगजनी गरिएको छ ।
स्वामिकार्तिक खापर गाउँपालिका–१ को भगवती आधारभूत विद्यालय मतदान केन्द्रमा प्रदेशसभा समानुपातिकतर्फको मतपेटिकामा आगजनी भएको हो ।
कसले आगो लगायो भन्ने खोजी भइरहेको प्रहरीले जनाएको छ । मतसहितको मतपेटिका जलेपछि अहिले मतदान कार्य रोकिएको प्रहरीले जनाएको छ । कुल ८४० मतदाता रहेको उक्त मतदान केन्द्रमा ५२८ मत खसेको थियो ।
- २०७९ मङ्सिर ४ आइतबार