यातायात कार्यालयमा प्रहरीको छापा, २२ जना पक्राउ

सम्पादकीय | सधैँ चेपुवामा रहँदै आएका मधेश प्रदेशका किसानहरु यसपाली पनि खेतीकै बेला चेपुवामा पर्ने सँकेत भएको छ । मधेश प्रदेशमा यसपाली असार १ गतेदेखि किसानहरुले मन बमोजिम ईच्छा अनुसार मल पाउने पुरापुरी तयारी गरिएको सर्वविदितै छ । 

मधेश प्रदेशको मन्त्री मण्डलमा निरन्तर कार्यमा खटि रहने एक मात्र कृषि मन्त्री ई. बसन्त कुशवाहालाई जिम्मेवारी खोसेर मधेशका किसानसँग बेबफाई गरिएको छ । मधेश प्रदेशका मुख्यमन्त्री सरोजकुमार यादवले कृषिमन्त्री कुशवाहाको जिम्मेवारी खोसेर किसानको घाँटीमा छुरा लगाएका छन् । 

राज्यको पुनः सँरचनापछि आएको संघीयता र बनेको तीन तहको सरकारमध्ये यसअघिका सरकारले गरेको कार्य र वर्तमान सरकारले गरेको कार्यमा फरक जनताले महसुस गरेका छन् । विगत ५ बर्षको सरकारमा कृषिको भण्डार रहेको मधेश प्रदेशका असल किसानले राहत पाउनुभन्दा आसेपासे र कार्यकर्ताले मात्र सुविधा पाए जसको फलस्वरुप मधेशका किसान अझै उही अवस्था देखिएका छन् । 

करिब ४ महिनाकै कार्यकालमा डा. सिके राउत नेतृत्वको जनमत पार्टीबाट कृषिमन्त्री बनेका ईन्जिनीयर बसन्त कुशवाहाले किसानको लागि अपेक्षाभन्दा अधिक गरेर देखाए । अन्तराष्ट्रिय मोडेलको योजना, नीति र बोलीभन्दा अधिक काम गरेको मन्त्रीको सूचिमा एकलौता मन्त्री साबित भए । 

गत बैशाख १० गते भएको उपनिर्वाचनको क्रममा जहाँ सबै दलका मन्त्रीहरु एक महिनादेखि निर्वाचन प्रचार प्रसार, पार्टी प्रचारमा लागे, उही बसन्त कुशवाहा आफ्नो मन्त्रालयमा निरन्तर समय दिँदै किसानको लागि नयाँ नीति बनाउँदै बसे । कुशवाहाले असार १ गतेदेखि मधेश प्रदेशका ८ वटै जिल्लाका किसानले अनिवार्य रसायनीक मल पाउने व्यवस्था पारिसकेको अवस्थामा उनलाई नियतवंश मुख्यमन्त्री सरोज कुमार यादवले पदविहिन बनाए । 

सधैँ मलको अभाव र मलको अभावमा कृषि खेती गर्न नसकेका किसानले यसपाली धानको लागि असार १ गतेदेखि नै मलको जोहो गरिदिएको अवस्थामा उनलाई हटाएर मुख्यमन्त्री यादवले किसानसँग बेबफाई गरेका छन् । समाजिक सँजालमा मन्त्री कुशवाहाको पक्षमा र मुख्यमन्त्रीको विरोध चर्को भएको छ । 

काम गर्ने मन्त्रीको रुपमा चिनिएका बसन्त कुशवाहालाई उनले पाउन थालेको लोकप्रियतालाई सहन नसकेको आरोप पनि लगाइएको छ । यसअघिका सरकारले गर्न नसकेका योजनाहरुमाथि काम जारी राख्दा उनलाई हटाएर किसानसँग धोकेबाजी गरिएको छ । 

किसानको समस्यालाई लिएर राजनीति गर्दै आएका मधेश प्रदेशका केही नेताहरुले मुद्दाबिहिन भएपछि पुनः किसानको समस्यालाई मुद्दा बनाएर राजनीति गर्ने उदेश्यले काम गर्ने कृषिमन्त्रीलाई हटाएको आरोप पनि छ । मधेश प्रदेशका ८ वटै जिल्लाका किसानलाई निरन्तर कृषि तालिम, माटो परीक्षण घुम्ती शिविर, मलखाद्यको उत्तम जोहो, किसानलाई मलखाद्य नदिने सहकारी खारेजको निर्णय लिएका ई. बसन्त कुशवाहालाई राजनीतिक प्रतिशोध साध्न पनि पदीय जिम्मेवारीबाट हटाएका छन् । 

कृषिमा क्रान्तीको लागि छोटो अवधीमै चम्किलो सुरुवात गरेका पूर्व कृषिमन्त्री ई. बसन्त कुशवाहालाई मन्त्री पदबाट हटाएर मधेशका किसानसँग मुख्यमन्त्री सरोजकुमार यादवले “बेबफाई” गरेका छन् । मधेशका मुख्यमन्त्री बेबफा हुन् । र उनको बेबफाईलाई मधेशका किसानहरुले नियालिरहेका छन् ।