भारतमा अब २ हजारको नोट नचल्ने

न्यूज ब्यूरो, जनकपुरधाम । धनुषाको शहिदनगर नगरपालिकाका बालविकास शिक्षिकाहरुले शिक्षा शाखा प्रमुख विश्वनाथ यादवलाई कारवाहीको माग गरेका छन् । 

नगरपालिकामा पत्रकार सम्मेलन गरी बालविकासमा पढाउने शिक्षिकाहरुलाई फर्जी शिक्षिका भनेपछि उनलाई कारवाहीको माग गरिएको हो । शिक्षिकाहरुलाई फर्जी भनेपछि आफूहरुको मान मर्दनमा ठेस पुरयाउने भन्दै आईतबार एक प्रेस विज्ञिप्त जारी गर्दै कानुनी दायरामा ल्याउन माग गरिएको हो । 

ईलाका प्रहरी कार्यालय यदुकूहामा भएको सर्वपक्षिय बैठकको क्रममा समेत आफूहरु गैर कानुनी वा फर्जी शिक्षिका ठहर नभएको उल्लेख गर्दै पीडित शिक्षक÷ कर्मचारी संगठन शहिदनगरले विज्ञप्ति जारी गरी शहिदनगरका जनप्रतिनीधिले राजनीतिक मुद्दा बनाएर रिसईबी पोख्न खोजेको आरोप समेत लगाएको छ । 

गत बैशाख ६ गते ईलाका प्रहरी कार्यालयमा भएको सर्वपक्षिय बैठकको क्रममा अवैद्य शिक्षक ठहर नभएको दाबी गर्दै विज्ञप्तिमा आफूहरुलाई फर्जी शिक्षक भनेपछि कानुनी दायरामा ल्याउन माग गरिएको हो । 

विगत दुई महिनादेखि समुदायिक विद्यालयमा पढाउने बालविकासकी शिक्षिकाहरुले तलब भत्ता नदिएको भन्दै आन्दोलन गर्दै आएकी हुन् । नगरपालिकाले उनीहरुको कागजात नभएको भन्दै तलबभत्ता रोक्का गर्दै आएको प्रष्टयाएको छ ।