ड्रग्स सेवन विरुद्धको सडक नाटकले प्रत्यक्ष चेतना फैलायोः वडाध्यक्ष साह

२०८० जेठ १७ बुधबार
रति ८:२२ बजे
न्यूज ब्यूरो, डेस्क

न्यूज ब्यूरो, जनकपुरधाम । धनौजी गाउँपालिका वडा नं. २ का वडाध्यक्ष उदय कुमार साहले सडक नाटकले प्रत्यक्ष चेतना फैलाएको बताएका छन् । 

धनौजी गाउँपालिकाको वडा नं. २ को विभिन्न वस्तीमा गरिएको लागुऔषध विरुद्धको सडक नाटकले प्रत्यक्ष चेतना फैलाउन मदत गरेको बताएका छन् । २ नम्बर वडा कार्यालयको सहयोगमा बुधबारदेखि सुरु भएको सडक नाटकको क्रममा बोल्दै वडाध्यक्ष साहले चेतना फैलाउने माध्यममा सडक नाटक प्रभावकारी भएको बताए । 

मँगलबारदेखि सुरु भएको तीनदिने सडक नाटकको दोस्रो दिन बुधबार वडाध्यक्ष साहले धनौजी बजारमा स्थानीय नागरिक सर्वसाधारणलाई सम्बोधन गर्दै गाउँस्तरमा चेतना फैलाउनको लागि सडक नाटक उत्तम माध्यम भएको बताए । 

नेपाल–भारतको सीमासँगै रहेको धनौजी गाउँपालिकाको वडा नं. २ मा मँगलबार धनौजीको गाउँटोल, बुधबार धनौजीको बजारटोलमा सडक नाटक गरिएको हो । शुक्रबार जेठ १८ गते गौरदाहा टोलमा सडक नाटक हुने जनाइएको छ । 

सडक नाटकको क्रममा करिब दुई दर्जन कलाकारहरुले वर्तमान समाजका किशोर, युवाहरुले कसरी कुलत, लागुऔषधको लत्तमा फँस्ने गरेको बारेमा प्रदर्शनको माध्यमबाट चेतना फैलाइएको बताइएको छ । किशोर, युवकहरुलाई लागुऔषधबाट हुने हानी, समाजलाई हुने नोक्सानी, विकृतको रुपलाई सडक नाटकको माध्यमबाट दर्साएको हो । 

सडक नाटकको क्रममा गाउँपालिका अध्यक्ष राजकुमार साह, वडा सदस्य रोशन मिश्रसहित सन्जु मण्डल ,अलि मोहोमद नदाफ, सोमा देबि पासवान लगायतका वडासदस्यहरु, स्थानीय बुद्धिजीवी, अधिकारकर्मीहरुको समेत सहभागीता रहेको बताईएको छ । 

सडक नाटकमा दुर्गा मेला समितिका अध्यक्ष रमण मिश्रसहित वर्तमान तथा पूर्व पदाधिकारीहरु, बिओपी धनौजीका ईन्चार्ज धन रावल, प्रहरी चौकी भडरियाका ईन्चार्ज रजक मियाँ लगायतको विशेष उपस्थिति रहेको थियो । 

  • 0%
  • 0%
  • 0%
  • 0%
  • 0%
  • 0%

जनकपुरः भारतीय गाडीको ठक्करले दुई युवकको मृत्यू

  • २०८० जेठ १७ बुधबार

न्यूज ब्यूरो, जनकपुरधाम । भारतीय नम्बर प्लेटको गाडीले ठक्कर दिँदा धनुषाका दुई युवकको मृत्यू भएको छ ।  मृत्यु हुनेमा धनुषाको धनुषाधाम नगरपालिका वडा नम्बर ९ का १९ वर्षीय राजेश ठोकर र

पूरा पढ्नुहोस्

Bureau Menus