जनकनन्दिनी गाउँपालिका अध्यक्ष यादवले ल्याए करोडौँको विकासे बजेट

२०८० जेठ १९ शुक्रबार
रति ९:१९ बजे
न्यूज ब्यूरो, डेस्क

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकाका अध्यक्ष दिपिनदेव यादवले गाउँपालिकाको लागि करोडौँको बजेट ल्याएका छन् । 

आगामी आर्थिक बर्ष २०८०/०८१ को लागि गाउँपालिका अध्यक्ष यादवले करोडौँको बजेट ल्याउन सफल भएका हुन् । आफ्नो गाउँपालिकालाई विकासे रफ्तार दिनको लागि उनले संघीय सरकार र प्रदेश सरकारबाट अतिरिक्त बजेट ल्याउन सफल भएका हुन् । 

सरकारले स्थानीय तहलाई दिने बजेटभन्दा पनि थप बजेट ल्याएका हुन् । सँघीय सरकारबाट उनले खजुरीदेखि कठालसम्मको सडक कालोपत्रे (पीच) सडक बनाउनको लागि ६ करोड बढी बजेट ल्याएका हुन् । 

खजुरीको पर्साहा खजुरी माविदेखि उदहा–कठाल जाने बाटोलाई कालोपत्रे गर्नको लागि उनले संघीय सरकारलाई पठाएको योजना स्वीकृत भएको हो । तीनबर्षे योजना अवधीको पहिलो आर्थिक बर्षमा ६५ लाख रुपैयाँको काम गरिने गाउँपालिका अध्यक्ष दिपिनदेव यादवले जानकारी दिए । 

उनका अनुसार, सो कालोपत्रेको लागि अधिकतम ३ बर्षको योजना तोकिएको हो । जनकनन्दिनी गाउँपालिका आफू अध्यक्ष भएपछि विभिन्न सडकहरु कालोपत्रे गर्न लागिएको बताए । 

यसका साथै, आगामी आर्थिक बर्षकै लागि जनकनन्दिनी गाउँपालिका वडा नं. २ मा मदरसा निर्माणको लागि २ करोड ९२ लाख र गाउँपालिकाभरि अनौपचारिक शिक्षाको लागि २ करोड रुपैयाँको बजेट ल्याएका हुन् । 

पूर्व गाउँपालिका अध्यक्ष अब्दुल बारिक शेखको सपना साकार पार्नको लागि अध्यक्ष दिपिनदेव यादवले सो योजना ल्याएको बताए । पूर्वअध्यक्ष शेखले आफ्नो वडामा एक मदरसा निर्माणको लागि पहल सुरु गरेका थिए । अल्पायूमै ज्यान गुमाएपछि शेखको सपना साकार पार्न यादवले सो योजना ल्याएको पूर्व गाउँपालिका अध्यक्षका पूर्व स्वकीय सचिव मनोज कुमार यादवले जानकारी दिए । 
 

  • 23%
  • 19%
  • 4%
  • 4%
  • 0%
  • 0%

न्यूज ब्यूरोका कार्यकारी सम्पादक यादवको मृत्यू शंकास्पद, CIB जाँच गर

  • २०८० जेठ १९ शुक्रबार

न्यूज ब्यूरो नेपालका कार्यकारी सम्पादक विनय कुमार यादवको मृत्यू र घटनास्थलको दृश्याँकनले दर्जनौ शंका उत्पन्न भएको छ । मोटरसाईकल दुर्घटना भनिएको सो ठाउँको प्रकृति हेर्दा दुर्घटना जस्तो केही देखिदैनन् ।

पूरा पढ्नुहोस्

Bureau Menus