न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिकास्थित रहेको न्यू लाईफ भिजन सेकेन्ड्री स्कूलले प्रयोगात्मक प्रतियोगिता गराई बाल दिवस मनाएको छ ।
सुनिश्चित बाल अधिकार, समृद्ध नेपालको आधार मूल नारासहित न्यू लाईफ भिजन स्कूलले बाल दिवस मनाएको हो । विद्यालयमा अध्ययनरत विद्यार्थीहरुलाई कृषिको साथै घरायसीको कामको बारेमा प्रतियोगिता गराई बालबालिकाहरुलाई व्यवहारिक ज्ञान थपेको विद्यालयका सँस्थापक सुजित कुमार यादवले बताए ।
.png)
यादवका अनुसार, बालबालिकाहरुलाई अन्य विभिन्न अतिरिक्त क्रियाकलापमा प्रतियोगिता गराई बाल दिवस मनाएको हो । विद्यार्थीहरुलाई विभिन्न विद्यामा समावेश गराईएको उनले बताए ।
बाल दिवसको अवसरमा एक समारोहको आयोजना गरी विद्यालयले नृत्य, कमेडी, कृषि कार्य, घरायसी कार्य, साँगितिक कार्यक्रम गरी बाल दिवस मनाएको सँस्थापक यादवले बताए । उनका अनुसार, बाल दिवसमा बाल अधिकार संरक्षण र बाल अधिकार सम्बन्धी समेत शिक्षकहरुले प्रकाश पारेको बताए ।
- २०८० भदौ २९ शुक्रबार
