इजरायल आक्रमणमा जनकपुरका एक युवकसहित १० नेपाली मारिए 

२०८० असोज २१ आइतबार
रति ८:२४ बजे
न्यूज ब्यूरो, डेस्क

न्यूज ब्यूरो, जनकपुरधाम । इजरायलमा गरिएको आतंकवादी हमलामा जनकपुरका एक युवकसहित १० नेपाली मारिएको पुष्टि गरिएको छ । 

ईजरायलस्थित रहेको नेपाली दुतावासले धनुषा जिल्लाका एक युवकसहित १० जना नेपाली मारिएको पुष्टि गरेको हो । सो आक्रमणमा केही नेपाली विद्यार्थीहरु घाईते भएको, केही प्रहरी नियन्त्रणमा रहेको र केही बोसको नियन्त्रणमा रहेको जनाएको छ । 

प्यालेस्टायनी कट्टरपन्थी समूह हमासले इजरायलमा गरेको आक्रमणमा परी मधेश प्रदेश धनुषा जिल्लाको लक्ष्मीनियाँ गाउँपालिका (साबिक सपही वडा नं. ६) बस्ने आनन्द साहसहित कम्तीमा १० जनाको ज्यान गएको बताएको हो । 

दुतावासको सूचि अनुसार, मृत्यु हुनेमा घोडाघोडी–४ कैलालीका नारायण न्यौपाने, जयपृथ्वी–६ बझाङका गणेशकुमार नेपाली, बाउनिया–३ कैलालीका आशिष चौधरी, लेकाम–५ दार्चुलाका दिपेशराज विष्ट र मधुवान–१, सुनसरीका राजेशकुमार स्वर्णकार छन् ।

यस्तै पाँचनली–डोटीका राजन फुलारा, लामिखाल–८ डोटीका पदम थापा, सारदा–३ सल्यानका प्रवेश भण्डारी र मालिकार्जुन–४ दार्चुलाका लोकेन्द्र सिंह धामीको पनि मृत्यु भएको छ ।

सारदा–२ सल्यानका विधान सेजुवाल, दगिशरण–३ दाङका प्रविण डाँगी घाइते भएका छन् । उनीहरुको स्थानीय अस्पतालमा उपचार भइरहेको छ । दुबैको खट्टामा गम्भीर चोट लागेको छ ।

गोरखा–८ गोरखाका हिमाञ्चल कट्टेलको पनि उपचार भइरहेको छ । टीकापुर–९ कैलालीका धनबहादुर चौधरी उपचारपछि अस्पतालबाट डिस्चार्ज भएका छन् ।

त्रिवेणी–१ सल्यानका प्रमोद केसी फार्म हाउस मामिकको घरमा सुरक्षित छन् भने भजनी त्रिशक्ति–४ कैलालीका वीरेन्द्र चौधरी इजरायलको सुरक्षा पोष्टमा सुरक्षित अवस्थामा छन् । उनीहरुको पार्थिव शरिर नेपाल पठाउने तयारी भईरहेको दुतावासले जनाएको छ । 

  • 0%
  • 0%
  • 0%
  • 0%
  • 84%
  • 12%

कमला नदीको पूलमा व्यापारः एकातर्फ 'माल असुली' , अर्को तर्फ आन्दोलनको नौटँकी

  • २०८० असोज २१ आइतबार

न्यूज ब्यूरो, धनुषा । बहुप्रतिक्षित कमला नदीको पूल निर्माणको लागि कथित रुपमा गरिएको आन्दोलनले सिरहाका व्यापारीहरु आक्रोसित बनेका छन् ।  हुलाकी सडकखण्डअन्तर्गत धनुषा र सिरहा जिल्ला जोडने बहुप्रतिक्षित कमला नदीको पूल

पूरा पढ्नुहोस्

Bureau Menus