सप्तरी युथ नेपाल आजदेखि सरकार विरुद्ध धर्नामा 

२०८० मङ्सिर १४ बिहीबार
बेलुकी ७:३४ बजे
न्यूज ब्यूरो, डेस्क

न्यूज ब्यूरो, राजविराज ।  सप्तरी युथ नेपालले रामराजाप्रसाद सिंह स्वास्थ्य विज्ञान प्रतिष्ठानको काम अविलम्ब सञ्चालन गर्न माग गर्दै धर्ना दिएको छ।

गत आइतबारबाट थालेको आन्दोलनको पाँचौँ दिन बिहीबार युवाहरूले निर्धारित कार्यक्रमअनुसार जिल्ला प्रशासन कार्यालयअगाडि एक घन्टा धर्ना दिएका हुन्।

०७५ सालमा मन्त्रिपरिषद् बैठकले राजविराज नगरपालिका– १० बिरौलमा प्रतिष्ठान निर्माण गर्ने निर्णय गरेको थियो। २२ असार ०७८ मा तत्कालीन प्रधानमन्त्री केपी ओलीले प्रतिष्ठानको भवन निर्माण कार्यको भर्चुअल माध्यमबाट शिलान्यास गरेका थिए। यद्यपि, अहिलेसम्म डिपिआर निर्माणबाहेक अन्य काम भएको छैन।

लामो समयदेखि प्रतिष्ठान निर्माणको काम अलपत्र रहेको भन्दै त्यसलाई शीघ्र सञ्चालनमा ल्याउन स्थानीयले निरन्तर आवाज उठाइरहेका छन्। गत शनिबार बैठक बसी सप्तरी युथ नेपालको अगुवाइमा सप्तरीका युवाहरूले आन्दोलन थालेका छन्। पहिलो चरणमा उनीहरूले एकहप्ते आन्दोलन गरेका छन्।

१५ गते शुक्रबार जिल्ला प्रशासन कार्यालयको मूल गेटमा दुई घन्टा धर्ना दिने कार्यक्रम रहेको सप्तरी युथले जनाएको छ। एकहप्ते आन्दोलनपछि पनि सरकार गम्भीर नभए दोस्रो चरणको आन्दोलन गर्ने युवाहरूले चेतावनी दिएका छन्।

  • 0%
  • 0%
  • 0%
  • 0%
  • 0%
  • 0%

धनुषामा सशस्त्र प्रहरीका घुमुवा मण्डल र रामको असुली धन्दा, सेटिँग गरी भारत पठाउँछन दारु

  • २०८० मङ्सिर १४ बिहीबार

न्यूज ब्यूरो, जनकपुरधाम । धनुषाका सशस्त्र प्रहरीका एसपी सरुवा भएलगत्तै सशस्त्र प्रहरीका घुमुवा सुरेन्द्र मण्डल र रँजीत रामले असुली धन्दालाई तीव्रता दिएका छन् ।  दक्षिणी धनुषामा सक्रिय रहेका सुरेन्द्र मण्डल र

पूरा पढ्नुहोस्

Bureau Menus