जनकपुरमा अनियन्त्रित कारले ४ जनालाई किच्यो, आरोपित भगाएको भन्दै जिल्ला प्रहरी घेराउ गर्ने तयारी

२०८० फाल्गुण ८ मंगलबार
दिउसो १२:१६ बजे
न्यूज ब्यूरो, डेस्क

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित एक अनियन्त्रित कारले ४ जनालाई किचिएपछि प्रहरी कार्यालय घेराउ गर्ने तयारी गरिएको छ । 

जनकपुरधाम उपमहानगरपालिका वडा नं. २ कमदचोकदेखि कपिलेश्वर जाने हुलाकी सडक अन्तर्गत गल्लीमा एक भारतीय कारले स्थानीय चार जनालाई कुल्चेपनि प्रहरीले आरोपित छाडेको भन्दै जिल्ला प्रहरी कार्यालय धनुषा घेराउ गर्ने तयारी गरिएको हो । यो घटना गत आईतबारकै रहेको छ । 

आईतबार दिउँसो करिब २ बजेको समयमा विद्यानगर क्यान्सर अस्पतालभन्दा पूर्वदेखि डाईभर्सन जाने बाटोमा रहेको घाँसेबाली फार्मस्थित अनियन्त्रित कारले चारजनालाई कुल्चेको हो । चारै जनाको अवस्था गम्भिर रहेको छ । 

पानीपुरी बेच्न तयारी रहेको अवस्थामा सोही स्थित डेरा लिई बस्दै आएको केही महिला र पुरुषमाथि कार चढाएको थियो । बच्चा स्याहारको लागि गल्लीमा निस्केकी महिलामाथि समेत कार चढाएको हो । 

घाँसेफार्मको पर्खाललाई भत्काउँदै ४ जनालाई कुल्चेको भारतीय नम्बर प्लेट डिएल ५सिएस ५७६३ नम्बरको चारपाँग्रे कारले सप्तरी बस्ने एक महिलासहित अन्य तीन स्थानीयलाई किचेको हो । खुट्टा, हड्डी भाँचिएर खुट्टा काटनुपर्ने अवस्था रहेको बुझिएको छ । 

यता, प्रहरीले भने घाईतेहरुको नाम समेत सार्वजनिक गरेका छैनन् । भारतीय कार चलाउने नेपाली काँग्रेसका एक नेता रहेको बताईएको छ । धनुषाको विदेह नरपालिका वडा नं. ३ दुहबी गोबराही बस्ने नेपाली काँग्रेसको नेता रहेको बुझिएको छ । नेताकै सो कार रहेको र पावर पहुँचको आडमा उनलाई प्रहरीले तत्कालै छाडिदिएको आरोप स्थानीयहरुको छ । 

चारै जना उपचारको लागि काठमान्डौँको ट्रमा सेन्टर, बिएण्डबी अस्पतालमा उपचाररत रहँदा, अवस्था नाजुक रहँदा पनि धनुषा प्रहरीले उच्च पदस्थ नेताको फोनको भरमा आरोपित छाडेको बुझिएको छ । स्थानीयहरुले जिल्ला प्रहरी घेराउ गर्ने, जिल्ला प्रशासन घेराउ गर्ने तयारी गरेको हो । 

घाईते हुनेहरुमा जनकपुरधाम उपहानगरपालिका वडा नं. ४ बस्ने लीला साह र सुदिना साह बि एण्ड बीमा भर्ना गरिएको छ भने अन्य दुई जना ट्रमा सेन्टरमा रहेको छ । 

  • 0%
  • 0%
  • 1%
  • 1%
  • 59%
  • 36%

जनकपुरमै पहिलो पटक नैना हस्पिटलमा दुरबिनबाट महिलाको अप्रेशन गर्ने

  • २०८० फाल्गुण ८ मंगलबार

न्यूज ब्यूरो, जनकपुरधाम । जनकपुरधामस्थित सँचालनमा रहेको चर्चित डाक्टर वृजमोहन रजकको नैना हस्पिटलमा दुरबिन माध्यमबाट महिलाको अप्रेशन गर्ने भएको छ ।  जनकपुरको रामानन्दचोकस्थित रहेको नैना हस्पिटलमा हुने दुरबिन प्रविधि जनकपुरमै पहिलो

पूरा पढ्नुहोस्

Bureau Menus