सिरहामा रक्सीले मातेका प्रहरीले यात्रुमाथि गरे निर्घात कुटपिट, थाना छाडेर भागे प्रहरी

२०८० फाल्गुण १३ आइतबार
बिहान ०९:४२ बजे
न्यूज ब्यूरो, डेस्क

न्यूज ब्यूरो, सिरहा । सिरहामा स्कुटीको बिलबुक नहुँदा दुई युवकलाई नियन्त्रणमा लिएर निर्घात कुटपिट गरेको छ । सिरहाको बरियारपट्टिस्थित रहेको अस्थायी चेकपोष्टको नाममा रक्सीले मातेका प्रहरीले दुई युवकलाई निर्घात कुटपिट गरेको हो । 

गएराती करिब ८ः३० बजेको समयमा बरियारपट्टि चोकबाट स्कुटी चढेर घर तर्फ जाँदै गरेको सोही स्थान बस्ने रोशन यादव र रामभवन यादवलाई चेकजाँचको नाममा नियन्त्रणमा लिएर निर्घात कुटपिट गरेको आरोप लगाईएको छ । 

अस्थायी ट्राफिक पोष्ट राखेर चेकजाँच गरिहेको एक ट्राफिक प्रहरी र अन्य जनपद प्रहरीका जवानले चेकजाँच गरिरहेको अवस्थामा यादवद्धयसँग लाईसेन्स भएको तथा बिलबुक भेटाएनन् । सो क्रममा यादवद्धयले नजिकै घर रहेको र एक क्षणमै बिलबुक ल्याइदिन्छु भन्दा बलपूर्वक चिट काट्न थालेपछि विवाद सृजना भएको थियो । “गाडी नियन्त्रणमा राख्नु, म बिलबुक लिएर आउँदैछु, नजिकै मेरो घर छ, यही चोकमै गएको थिए, बिलबुक बिर्सेको मात्रै हो, बरु तपाई लाईसेन्स नै राख्नुस न म कागजात लिएर आउँदैछु ।” भन्दा पनि रक्सीले मातेका प्रहरीले उनीहरुलाई जबरदस्ती चिट काटन थालेपछि विवाद भएको थियो । 

चिट नकाट्न पटक पटक आग्रह गर्दै गर्दा रक्सीले मातेका ट्राफिक प्रहरीले उनलाई चिट काटन थालेपछि भनाभन भएको थियो । त्यसपछि चेकिँगमै रहेको जनपदका दुई जवानले यादवद्धयलाई पक्राउ गरी प्रहरीचौकी बरियापट्टिमा लगेको बताईएको छ । चौकीमा लगे लगत्तै दुवै जनामाथि लठ्ठी प्रहार गरी निर्घात कुटपिट गरेको आरोप रोशन यादवको छ । उनीहरुलाई कुटपिट गरेपछि प्रहरी चौकीको अवस्था तनावग्रस्त बन्यो । 

केही बेरमै सयौँको सँख्यामा स्थानीयहरु आएर प्रहरी चौकी घेराउ गरेपछि कुटपिट गर्ने प्रहरी थाना छाडेर भागेको बताईएको छ । उनीहरु राती रक्सी खाएर डयुटी गरिरहेको बुझिएको छ । यद्यपी, सिरहा प्रहरीले भने यसलाई पुष्टि गरेको छैनन् । 

स्कुटीमा तीन जना सवार भएर जाँदै गर्दा नियम उलघंन गरेको, कागजात नराखी दोस्रो नियम उलघंन गरेको भन्दा चिट काटदा धाकधम्की लगाएपछि विवाद भएको जिल्ला प्रहरी कार्यालय सिरहाले जनाएको छ । यादवद्धयलाई उदृत गर्दै सिरहा प्रहरीले प्रहरीलाई धक्कामुक्का गरेपछि प्रहरीले सेल्फ डिफेन्समा लाठीचार्ज गरेको दाबी गरेको हो । 

यता, यस घटनाबारे छानबिन भईरहेको जनाउँदै दोषी देखिए प्रहरी निलम्बनमा पर्ने बताईएको छ । 

  • 0%
  • 0%
  • 0%
  • 0%
  • 0%
  • 10%

धनुषाको दुहबी गोबराही चोकमा चार वर्षपछि लाग्यो हाटबजार, स्थानीय हर्षित

  • २०८० फाल्गुण १३ आइतबार

न्यूज ब्यूरो, धनुषा । धनुषाको विदेह नगरपालिका वडा नम्बर २ दुहबी गोबराही चोकमा चार वर्षपछि हाटबजार सञ्चालनमा आएपछि किसानहरू हर्षित भएका छन् ।  गाउँलेहरूका बीचमा अन्तद्वन्द्व चुलिएपछि गत २०७६ सालमा यहाँको

पूरा पढ्नुहोस्

Bureau Menus