न्यूज ब्यूरो, जनकपुरधाम । नेपालकै सबैभन्दा ठूलो इन्टरनेट सेवा प्रदायक वर्ल्डलिङ्क कम्युनिकेसन्स लिमिटेडले सुरक्षित इन्टरनेट दिवसको अवसरमा मधेस प्रदेशका विभिन्न स्थानमा इन्टरनेट साक्षरता सत्र सम्पन्न गरेको छ।
वर्ल्डलिङ्क इन्टरनेट एकेडेमी (WIA) को
न्यूज ब्यूरो, जनकपुरधाम । नेपालकै सबैभन्दा ठूलो इन्टरनेट सेवा प्रदायक वर्ल्डलिङ्क कम्युनिकेसन्स लिमिटेडले सुरक्षित इन्टरनेट दिवसको अवसरमा मधेस प्रदेशका विभिन्न स्थानमा इन्टरनेट साक्षरता सत्र सम्पन्न गरेको छ।
वर्ल्डलिङ्क इन्टरनेट एकेडेमी (WIA) को माध्यमबाट सिमरा, वीरगंज, जनकपुर, ईश्वरपुर, र गौरका विभिन्न विद्यालयमा कार्यक्रम आयोजना गरिएको थियो।
बिरगंजको नरसिंह माध्यमिक विद्यालय, सिमराको नेपाल राष्ट्रिय माध्यमिक विद्यालय, गौरको जुद्ध सेकेण्डरी स्कूल, ईश्वरपुरको लालीगुराँस एकेडेमी, र धनुषाको लक्ष्मीनिया जनता माध्यमिक विद्यालयमा इन्टरनेट साक्षरता सत्र सञ्चालन गरिएको थियो ।
यस अभियानको मुख्य उद्देश्य डिजिटल साक्षरता अभिवृद्धि गर्नु, डिजिटल प्लेटफर्महरूसँग विद्यार्थीलाई परिचित गराउनु, इन्टरनेटका आधारभूत पक्षहरू बुझ्न सहयोग गर्नु, इन्टरनेटसम्बन्धी सामान्य समस्या समाधान सिकाउनु तथा इन्टरनेट प्रयोग गर्दा हुनसक्ने जोखिम न्यूनीकरण गर्नु थियो।
वर्ल्डलिङ्कको कर्पोरेट सामाजिक उत्तरदायित्व (CSR) अन्तर्गत सञ्चालित यस कार्यक्रमबाट कक्षा ७ देखि १० सम्मका करिब ३५० विद्यार्थी लाभान्वित भएका छन्। कम्पनीले आगामी दिनहरूमा पनि मधेस प्रदेशका अन्य स्थानमा यस्ता सत्रहरू सञ्चालन गर्ने योजना बनाएको छ।