जसपा नेपालको अध्यक्षमा पुनः उपेन्द्र यादवलाई नै सर्वसम्मतको प्रयास, राजकिशोर यादव लाइनमा

२०८१ जेठ २९ मंगलबार
बिहान ०८:०२ बजे
न्यूज ब्यूरो, डेस्क

न्यूज ब्यूरो, जनकपुरधाम ।  जनता समाजवादी पार्टी (जसपा) नेपालको प्रथम महाधिवेशनले चयन गर्ने नयाँ नेतृत्वका लागि सर्वसम्मतको प्रयास थालिएको छ ।

२ सय १ सदस्यीय केन्द्रीय समितिमा १७ जना पदाधिकारी रहने छन् । हाल जसपा नेपालको कार्यकारिणी समितिमा ८ जना मात्र रहेका छन् । अध्यक्षमा उपेन्द्र यादव सर्वसम्मत हुने निश्चित भइसकेको छ ।

सहअध्यक्षका लागि राजकिशोर यादव, लालबाबु राउत र रकम चेम्जोंग प्रयासरत छन् । यद्यपी, राजकिशोर यादव समेत अध्यक्ष पदका दाबेदार मानिएका छन् । 

उपाध्यक्षमा निवर्तमान मुख्यमन्त्री सरोज कुमार यादव, हरिनारायण यादवलगायतका प्रतिस्पर्धी छन् । कलस्टर समेतको ५ जना उपाध्यक्ष रहने छन् ।

महामन्त्रीमा मनिष सुमन, विजय यादव, प्रकाश अधिकारीलगायतले दाबी गरेका छन् । २ जना महामन्त्री रहने छन् । कोषाध्यक्षमा पनि केही प्रत्याशीहरु देखिएका छन् । बन्द सत्रपछि नेतृत्व चयनको प्रकृया थालिने छ ।

पदाधिकारीहरुमा सहमति जुटाउन सहज भए पनि केन्द्रीय सदस्यमा सहमति गर्न चुनौती नै छ । पार्टीको विधान अनुसार बिभिन्न कलस्टरहरुबाट पदाधिकारी र सदस्यरु चयन गरिने छ ।

  • 0%
  • 0%
  • 0%
  • 0%
  • 0%
  • 0%

NIC ASIA बैंकको बदमासी , बदनियतपूर्वक ऋणीको जग्गा बिक्री , व्यापारी आन्दोलित

  • २०८१ जेठ २९ मंगलबार

सबिन यादव, सिरहा । गोलबजार उद्योग व्यापार संघले एनआइसी एसिया बैंकमा ज्ञापन पत्र बुझाउँदै बदनियतपूर्वक बिक्री गरिएको ऋणीको जग्गा तत्कालै फिर्ता गर्न माग गरेको छ ।  एनआइसी एसिया बैंक गोलबजार शाखाले

पूरा पढ्नुहोस्

Bureau Menus