सिरहामा १ सय ८९ जना गाउँपालिकाका उम्मेदवारले ३ लाख ५० हजार जरिवाना तिर्नुपर्ने

न्यूज ब्यूरो, जनकपुरधाम । दुर्घटना भनेर हत्या गरिएका न्यूज ब्यूरोका कार्यकारी सम्पादक विनय कुमार यादवले केही दिन अगाडी धनुषा प्रहरीसँग आफ्नो ज्यानको सुरक्षा मागेको खुलेको छ । 

पत्रकार यादवको मोबाईलमा भेटाएको सबुत प्रमाण अनुसार गाउँकै केही व्यक्तिबाट उनलाई मार्ने सुपारी दिइएको भन्दै उनले धनुषाधाम प्रहरीसँग जीउ ज्यानको सुरक्षा मागेको निवेदन फेला परेको छ । यद्यपी, सो लिखित निवेदन ईलाका प्रहरी कार्यालय धनुषाधाममा लक्ष्मीनारायणकै दबाबमा दर्ता नगराएको बताईएको छ । 

धनुषाधाम नगरपालिका वडा नम्बर ५ नौयसविघाका पत्रकार यादवले सोही गाउँका सुशिल यादवको छोरा बीरेन्द्र यादवले उनलाई अपरहण गराई मारिदिने धम्की दिएको भन्दै प्रहरी गुहारेका थिए । गत चैत २८ गतेमा ईलाका प्रहरी कार्यालय धनुषाधाममा पेश गरिएको निवेदनमा स्थानीय सुशिल यादवको २७ बर्षिय छोरा बीरेन्द्र कुमार यादवलाई प्रतिवादी बनाउँदै निवेदन दिएका थिए । 

सुशिलका छोरा बीरेन्द्रले पत्रकार यादवलाई हत्या गर्नेलाई १० लाख रुपैयाँ दिने, विभिन्न समयमा पत्रकार यादवलाई अहपरणमा पारी हत्या गरिदिने जस्ता धाकधम्की दिँदै आएका थिए । अहिले पक्राउ परेका पत्रकार विनय कुमार यादवको मोटरसाईकल चालक ललन भन्ने लक्ष्मीनारायण यादवले स्थानीय एक नेतासँग मिलेर उनको हत्या गरेको हुन सक्ने देखिएको छ । पत्रकार यादवको मोबाईलमा फेला परेको भ्वाईस रेकर्ड अनुसार, ललन कुनै राजनीतिक दलका एक नेताको प्रलोभनमा परी उनको हत्या गरेको हो । 

गाउँकै ललन भन्ने लक्ष्मीनारायण यादवसँग मतभेद बोकेका पत्रकार यादवले केही दिन अगाडी मात्र उनीसँग सम्बन्ध बढाएका थिए । ललनले देखावटी सम्बन्ध स्थापित गरेर उनलाई जालोमा पारी हत्या गरेको केही सबुतहरुले प्रमाणित गर्न सकिन्छ । सिसिटिभीको फुटेज र उनले पठाएको भ्वाईस मेसेज अनुसार ललनले कतैबाट सुपारी लिएर उनलाई योजनावद्ध तवरले हत्या गरी फालेको देखिन्छ । पत्रकार यादवले निवेदनमा लक्ष्मीनारायणलाई समेत धम्की दिएको भनेर उल्लेख गरेपनि यसमा उनलाई विश्वासमा पार्न गरिएको षडयन्त्र मात्र थियो । 

सुशिलका छोरा बीरेन्द्रले विनयललाई हत्या गराउन गरेको एक गोप्य बैठकको अडियो रेकर्ड समेत फेला परेको छ । सो अडियो रेकर्ड अनुसार विनयको हत्या भएको प्रमाण काफी हुन जान्छ । धनुषाले यसलाई झन गम्भिरता र सुक्ष्म अनुसन्धानमा लिए विनयको हत्याको कनेक्सनमा कैयौँ जनाको सँलग्नता बाहिर आउने निश्चित छ । 

विनयका परिवारजनका अनुसार, जुन राती विनयको मृत्यू भयो सो दिन बिहान करिब ४ बजे एक जनाले चारचक्के गाडी लिएर विनयको घर अगाडीबाट केयौँ पटक ओहोर दोहोर गरेका थिए । उनको हेर्ने नजरिया, आँखाको शैलीले धेरै कुरा बताइरहेको थियो । त्यतिबेला देखि नै परिवारजनलाई चिन्ता ल्यायो, केही क्षणपछि विनयको मृत्यूको खवर आएको बताइन्छ । अहिले बीरेन्द्र यादव गाउँबाट भागेको बताईएको छ । 

यता, बीरेन्द्रका भाई धीरेन्द्र यादवले बीरेन्द्रलाई कैयौँ पटक सुधार केन्द्रमा राखेको बताए । उनले बीरेन्द्रको व्यवहारको बारेमा बताउँदै आफ्नो गाडी कहि कतै ओहोर दोहोर नभएको बताए । उनले आफू व्यापारी रहेकोले यस्तो गतिविधिमा कुनै चासो नरहेको बताए । 

अडियो रेकर्डहरु न्यूज ब्यूरोसँग सुरक्षित छ भने केही प्रमाणहरु जिल्ला प्रहरी कार्यालय धनुषामा समेत पेश गरिएको हो ।