न्यूज ब्यूरो, जनकपुरधाम । मधेश सरकारमा लोकतान्त्रिक समाजवादी पार्टी (लोसपा) नेपाल समेत सहभागीता जनाएको छ । लोसपाबाट रमेशप्रसाद कुर्मीले बिहीबार राति मन्त्री पदको शपथ लिएका छन् ।
पर्सा जिल्लाको निर्वाचन क्षेत्र नम्बर–२ (ख) बाट निर्वाचित लोसपाका प्रदेशसभा सदस्य रमेशप्रसाद कुर्मीले बिहीबार पद तथा गोपनीयताको शपथ लिएसंगै मधेश सरकारले पूर्णता पाएको छ । वन तथा वातावरण मन्त्रीमा कुर्मीलाई बिहीबार राति आयोजित प्रदेश प्रमुख हरिशंकर मिश्रले शपथ ग्रहण गराएका छन् ।
लोसपा संसदीय दलका नेता अभिराम शर्माले रानी शर्मालाई मन्त्री बनाउने अडान लिएपछि लोसपालाई सरकारमा सहभागी हुन ढिलाइ भएको थियो । केन्द्रीय अध्यक्ष महन्थ ठाकुरको निर्देशन विपरीत शर्माले रानीलाई नै मन्त्री बनाउनुपर्ने भन्दै कुर्मीलाई मन्त्री नियुक्त गर्न मुख्यमन्त्री कार्यालयमा पत्र दिन ढिलाइ गरेका थिए । हाल शर्मा संसदीय दलमासमेत अल्पमतमा परेका छन् । यद्यपि शपथग्रहण समारोहमा शर्मा पनि उपस्थित थिए ।
यसअघि मंगलबार मुख्यमन्त्री यादवले नेपाली कांग्रेस र नेकपा एकीकृत समाजवादी पार्टीलाई सरकारमा सहभागी गराइ मन्त्रिपरिषद् विस्तार गरेका थिए ।
नेपाली कांग्रेसबाट कृष्णप्रसाद यादवलाई भौतिक पूर्वाधार विकास मन्त्रालय र वीरेन्द्र प्रसाद सिंहलाई स्वास्थ्य तथा जनसंख्या तथा एकीकृत समाजवादीबाट गोविन्दबहादुर न्यौपाने भूमि व्यवस्था, कृषि तथा सहकारीमन्त्रीको जिम्मेवारी दिएर मन्त्रिपरिषद् विस्तार गरिएको थियो । यता गृह सञ्चार तथा कानुन मन्त्रालय र श्रम तथा यातायात मन्त्रालय भने अहिले पनि मुख्मयन्त्री यादवले नै राखेका छन् । सुरिता साह र वसन्त कुशवाहा बिना विभागीय मन्त्री छन् ।
हिन्दु सम्राट सेनाकी लक्ष्मी साह पक्राउ
- २०८० जेठ १२ शुक्रबार
न्यूज ब्यूरो, जनकपुरधाम । दँगा भडकाउन खोजेको आरोपमा जिल्ला प्रहरी कार्यालय धनुषाले हिन्दु सम्राट सेनाकी सदस्य लक्ष्मी साहलाई पक्राउ गरेको छ । विहिबार धनुषाको औरही गाउँपालिका वडा नम्बर १ पौडेश्वरस्थित समान्य
पूरा पढ्नुहोस्
..jpeg)
