११ करोडको लागतमा बन्दैछ भँगहा नगरपालिकाको आलिशान प्रशासनिक भवन

न्यूज ब्यूरो, जलेश्वर ।  महोत्तरीको भँगहा नगरपालिकाको प्रशासनिक भवनको एक कार्यक्रमबीच शिलान्यास गरिएको छ । 

भङ्गाहा नगरपालिका वडा नम्बर ५ सीतापुरस्थित १० कट्ठा १९ धुर जग्गामा आइतबार प्रतिनिधिसभा सदस्य तथा लोकतान्त्रिक समाजवादी पार्टीका वरिष्ठ नेता शरतसिँ भण्डारी र नगरपालिकाका नगर प्रमुख सँजीव कुमार साहले सँयुक्त रुपमा शिलान्यास गरे । 

कूल रु १० करोड ९१ लाख ४२ हजार ६२३ को लागतमा प्रशासकीय भवन निर्माण गरिने नगर कार्यपालिकाका निमित्त प्रमुख प्रशासकीय अधिकृत विजयकुमार यादवले बताए । भवन निर्माणका लागि नगरप्रमुख सञ्जिवकुमार साहकी माता फूलकुमारी साहले करिब दुई करोड रुपैयाँ मूल्य बराबरको जग्गा दान गरिएको हो ।

शिलान्यासपछि पूर्वमन्त्री भण्डारीले जग्गादाता फूलकुमारी र उनका पति अशेश्वर साहलाई दोसल्ला ओढाएर सम्मान गरे । 

हालको कार्यालय भवन नगरप्रमुख सञ्जिवकुमार साहको निजी हो । यो भवन कार्यालय सञ्चालनका लागि नगरप्रमुख साहले दुई वर्षअघि निःशुल्क उपलब्ध गराएको हो । नयाँ भवन निर्माण नभएसम्म कार्यालय सञ्चालनका लागि उक्त भवन निःशुल्क उपलब्ध गराइरहने नगरप्रमुख साहले आफ्नो पुरानो प्रतिबद्धता दोहो¥याएको छ । नयाँ भवन दुई वर्षभित्र पूरा गर्ने लक्ष्य छ ।