.png)
न्यूज ब्यूरो, सुनसरी । सुनसरीको देवानगञ्ज गाउँपालिका वडा नं. ३ कप्तानगञ्जमा भएको गोलीकाण्डमा संलग्न भएको आशंकामा चार जना पक्राउ परेका छन् ।
गोलीकाण्डमा संलग्न हुन सक्ने आशंकामा नेपाल–भारत सीमा क्षेत्रमा आवतजावत गर्ने क्रममा चार जनालाई पक्राउ गरिएको प्रारम्भिक जानकारी प्राप्त भएको छ । केही जना पक्राउ परेको पुष्टि सुनसरी प्रहरीले समेत गरेको हो ।
पक्राउ पर्नेमा कप्तानगँजकै स्थानीयहरु ४ जना जना रहेको बताईएको छ । यद्यपी, सुनसरी प्रहरीले भने नाम खुलाउन चाहेनन् । अनुसन्धानकै क्रममा रहेकोले नाम खोल्न नमिल्ने बताएको हो ।
घटनामा संलग्न हुन सक्ने आशंका गरिएका थप दुई जना भने भाग्न सफल भएको बताइएको छ ।
घटनाबारे थप अनुसन्धान भइरहेको तथा पक्राउ परेकाहरूको गोलीकाण्डमा संलग्नताबारे आधिकारिक पुष्टि हुन बाँकी रहेको बताइएको छ । घटनासम्बन्धी थप विवरण आउन बाँकी छ ।
- २०८३ श्रावण २४ आइतबार
.jpeg)
