८१ दिनदेखि स्वराजी राम मनोहरको लास प्रहरी हिरासतमा 

पक्राउ परेको ७ औँ दिनमा उनको प्रहरी हिरासतमै शंकास्पद मृत्यू भएको थियो । 

२०७५ मङ्सिर ५ बुधबार
बिहान ०७:२१ बजे
न्यूज ब्यूरो, डेस्क


न्यूज ब्यूरो, जनकपुरधाम । प्रहरी हिरासतमै शंकास्पद मृत्यू भएका स्वराजी राम मनोहरको लास(शव) विगत ८१ दिनदेखि प्रहरी हिरासतमै रहेको छ । 

 

गत भदौ १४ गते प्रहरी हिरासतमै मृत्यू भएका स्वतन्त्र मधेस गठबन्धनका नेपालगँजका नेता राम मनोहर यादवलको लास र न्याय अहिलेसम्म प्रहरी हिरासतमै रहेको स्वतन्त्र मधेस गठबन्धनका प्रवक्ता अब्दुल खानले जानकारी दिए ।


उनले भने,-  "८१ दिन बित्यो , राम मनोहर यादवको लास र न्याय दुवै नेपाल प्रहरिकै हिरासत मा छ । राम मनोहरका परिवार माथी पनि प्रहरी ज्यादती जारी नै छ ।  मानव अधिकारवादी लगायत पत्रकार बुद्धिजीवी अन्तर्राष्ट्रिय समुदाय सबैमा न्यायको लागी आवाज उठाइदिन अपिल गर्दछु ।" 

 

गत भदौ ७ गते बर्दियामा कार्यकर्ता भेटघाटको क्रममा पुगेका संघीय समाजवादी फोरम नेपालका अध्यक्ष एवम् वर्तमान संघीय सरकारका स्वास्थ्यमन्त्री उपेन्द्र यादवलाई कालो झण्डा देखाएपछि प्रहरीले हिरासतमा लिएको थियो । 

 

जाबो कालो झण्डा देखाएर विरोेध गर्दा मन्त्री यादवले उनलाई पक्राउ गर्न आदेश दिएको थियो । त्यही प्रकरणमा उनलाई एक सातासम्म प्रहरी हिरासतमा राखिएको थियो । पक्राउ परेको ७ औँ दिनमा उनको प्रहरी हिरासतमै शंकास्पद मृत्यू भएको थियो । 

 

राम मनाहरको मृत्यूपछि मधेसमा बलेको आगो अहिले साम्य भएको छ भने अहिलेसम्म उनको शव शिक्षण अस्पताल महराजगँजमा प्रहरीको निगरानीमा राखिएको छ । 

राममनोहरसँग न्यायको लागि उनको परिवार विगतदेखि नै विभिन्न विरोध तथा ध्यानकर्षण गराउँदै आएपनि अहिलेसम्म उनको लास र न्याय प्रहरी हिरासतमै रहेको छ । 

  • 0%
  • 0%
  • 0%
  • 0%
  • 0%
  • 0%

जनकपुरको गँगासागर र धनुषसागर पोखरीको 'हेरिटेज एरिया' खाली गराइने, कहाँ जाला व्यापारीहरु ?

  • २०७५ मङ्सिर ५ बुधबार

न्यूज ब्यूरो, जनकपुरधाम । जनकपुरधामको  ऐतिहासिक एवं धार्मिक पवित्र गंगासागर र धनुषसागरको ‘हेरिटेज एरिया’ खाली गराइने भएको छ । साना व्यवसायीहरुले थापेको पसललाई अन्यत्र सारेर गंगासागर र धनुषसागर क्षेत्रलाई खाली गराउने

पूरा पढ्नुहोस्

Bureau Menus