.png)
न्यूज ब्यूरो, जनकपुरधाम । जनकपुरधाम उपमहानगरपालिका वडा नं. १८ भोयलस्थित रहेको राष्ट्रिय प्राथमिक विद्यालयमा आर्थिक अनियमितताको आरोप लागेको छ ।
विद्यालयका प्रधानाध्यापक वृहमोहन राउतले करिब ८ लाख रुपैयाँ अनियमितता गरेको आरोप लगाइएको हो । स्थानीयहरुका अनुसार, हेडमास्टर राउतले फर्जी बिलहरु पेश गरी लाखौँ रुपैयाँ अनियमितता गरेको आरोप लगाएका हुन् ।
२०७९ सालदेखिकै हरहिसाब माग गर्दै आएका स्थानीयहरुलाई हेडमास्टर राउतले आजभोली भन्दै हिसाब नदेखाएपछि शंका उत्पन्न भएको जनाइएको छ ।
यस सन्दर्भमा हेडमास्टर राउतले भने आफू कुनै पनि अनियमितता गरेको पाइए जनकारवाही भोग्न तयार रहेको बताए । उनले यसअघिका विद्यालय व्यवस्थापन समितिका अध्यक्ष रमेश मण्डललाई सरकारले हटाएपछि प्रतिशोध स्वरुप गलत आरोप लगाएको राउतको दाबी छ ।
यता, रमेश मण्डलले भने विगतदेखि नै हरहिसाब मागेको दाबी गर्दै आफू व्यवस्थापन समितिको अध्यक्ष हुँदा पनि आफ्नो नाममा बैँक खाता नरहेको औल्याएँ । उनले हेडमास्टर राउतले लाखौँ रुपैयाँ अनियमितता गरेको प्रमाणहरु रहेको बताए । आज बिहान ८ बजे छलफल बोलाइएको हो ।
धनौजी गाउँपालिकाको १५औँ गाउँसभामा नीति तथा कार्यक्रम प्रस्तुत, ६० करोड ५५ लाखको बजेट अनुमान
- २०८३ असार २५ बिहीबार
न्यूज ब्यूरो, जनकपुरधाम । धनुषाको धनौजी गाउँपालिकाको १५औँ गाउँसभा सम्पन्न भएको छ। गाउँसभामा आगामी आर्थिक वर्ष २०८३/८४ का लागि नीति तथा कार्यक्रम प्रस्तुत गर्नुका साथै रु. ६० करोड ५५ लाख
पूरा पढ्नुहोस्
