.png)
न्यूज ब्यूरो, बारा । राष्ट्रिय स्वतन्त्र पार्टी (रास्वपा) का बारा क्षेत्र नं. २ का सांसद चन्दनकुमार सिंहसहित १४ जनाविरुद्ध भेदभाव तथा अपमानजनक व्यवहारसम्बन्धी मुद्दा दर्ता भएको छ ।
उच्च अदालत जनकपुरको वीरगञ्ज इजलासको परमादेशपछि जिल्ला प्रहरी कार्यालय बाराले गत असोज ६ गते मुद्दा दर्ता गरी अनुसन्धान अघि बढाएको हो ।
.png)
देवताल गाउँपालिका–५ का ३१ वर्षीय गनपत कुमार महतोले दिएको जाहेरीका आधारमा मुद्दा दर्ता भएको प्रहरीले जनाएको छ । महतोका अनुसार २७ कात्तिक २०८१ मा सांसद सिंहसहितको सहभागितामा आफूलाई सामाजिक बहिष्कार गर्ने निर्णय गरिएको थियो ।
जाहेरीमा आफू र परिवारलाई विवाह, सामाजिक तथा धार्मिक कार्यक्रममा सहभागी हुन रोक लगाउने वातावरण बनाइएको, सामाजिक रूपमा अपमानित गर्ने तथा आफ्नो प्रतिष्ठामा असर पर्ने गरी प्रचार–प्रसार गरिएको आरोप लगाइएको छ ।
जिल्ला प्रहरी कार्यालय बाराका एसपी नरेन्द्र कुँवरले उच्च अदालतको परमादेशपछि मुद्दा दर्ता गरी अनुसन्धान भइरहेको जानकारी दिए । उनका अनुसार हालसम्म सांसद सिंहसहित कसैविरुद्ध पक्राउ पुर्जी जारी भएको छैन ।
जाहेरीमा सांसद सिंहसहित रामबाबु प्रसाद यादव, ईश्वर चौधरी, विश्वनाथ सिंह, दिला सिंह, भैरव राउत, शिवदर्शन पण्डित, वीरेन्द्र पसवान, प्रमोद प्रसाद साह, हरिनारायण गिरी, रामबाबु यादव, भोडीलाल साह, रामेश्वर महतो र देवराज महतोको नाम उल्लेख छ।
तराईको गर्मीमा आँखाको हेरचाह कसरी गर्ने ?
- २०८३ असोज १८ आइतबार
न्यूज ब्यूरो, जनकपुरधाम । बढ्दो प्रदूषण, विश्व तापमानमा वृद्धिजस्ता कारण गर्मी मौसममा आँखामा विभिन्न संक्रमण देखा पर्ने गरेको छ। संक्रमण हुँदा समयमै ख्याल नगरे आँखाको दृष्टि नै गुम्न सक्छ । गर्मीका
पूरा पढ्नुहोस्
