अनलाईन ठगी गर्ने जनकपुरको एक गिरोह पक्राउ, अझै पक्राउ पर्न सक्ने प्रहरीको संकेत

न्यूज ब्यूरो, जनकपुरधाम । धनुषा निर्वाचन क्षेत्र नं. १ का पूर्व प्रतिनिधि सभा सदस्य तथा नेकपा माओवादी केन्द्रका उपमहासचिव (हाल नेपाली कम्युनिष्ट पार्टीका नेता) मातृका प्रसाद यादवले मिथिला बिहारी नगरपालिका वडा नं. १ का किसानहरूलाई उन्नत जातको एक साँढे सहयोग प्रदान गर्नुभएको छ। 

स्थानीय किसानहरूको मागलाई सम्बोधन गर्दै प्रदान गरिएको उक्त सहयोगले गाईपालन तथा दुग्ध उत्पादनमा संलग्न किसानहरूलाई प्रत्यक्ष लाभ पुग्ने विश्वास व्यक्त गरिएको छ।

मिथिला बिहारी नगरपालिका वडा नं. १ भुतही गाउँमा आयोजित एक कार्यक्रमबीच उन्नत जातको साँढे औपचारिक रूपमा किसानहरूलाई हस्तान्तरण गरिएको हो। उन्नत जातको साँढेबाट स्थानीयस्तरमा गाईको नस्ल सुधार, दूध उत्पादनमा वृद्धि, पशु स्वास्थ्यमा सुधार र दीर्घकालीन रूपमा किसानको आयआर्जन बढ्ने अपेक्षा गरिएको छ। यसले परम्परागत पशुपालनलाई व्यावसायिक र दिगो बनाउने दिशामा सहयोग पुग्ने सहभागीहरूको भनाइ थियो।

साँढे हस्तान्तरण कार्यक्रममा नेकपा माओवादी केन्द्र हाल नेपालि कम्युनिष्ट पार्टीका नेता तथा कार्यकर्ताहरु सरोज यादव, सूर्यनारायण मण्डल, राज नारायण साह  मिथिला बिहारी नगरपालिका वडा नं. २ का वडा अध्यक्ष सुरेश मण्डल, वडा नं. ३ का वडा अध्यक्ष कृष्ण कुमार बसन्त, वडा नं. ७ का वडा अध्यक्ष संजय शर्मा, नगर कार्यपालिका सदस्य राम उदगार दास लगायत विभिन्न वडाका जनप्रतिनिधि तथा राजनीतिक दलका नेताहरूको उपस्थिति रहेको थियो।

 साथै, वडा नं. १ का भुतही गाउँका किसानहरूको उल्लेख्य सहभागिता रहेको कार्यक्रममा स्थानीयले यस्ता सहयोगप्रति आभार व्यक्त गरेका थिए।
कार्यक्रमलाई सम्बोधन गर्दै वक्ताहरूले कृषि तथा पशुपालन क्षेत्र नै ग्रामीण अर्थतन्त्रको मेरुदण्ड भएको उल्लेख गर्दै किसानमुखी कार्यक्रमलाई प्राथमिकतामा राख्नुपर्ने आवश्यकता औँल्याए। उन्नत जातको साँढे सहयोगले स्थानीय किसानलाई आत्मनिर्भर बनाउने, बेरोजगारी न्यूनीकरणमा टेवा पुर्‍याउने र युवालाई कृषिमा आकर्षित गर्ने विश्वास व्यक्त गरिएको थियो।

स्थानीय किसानहरूले पनि यस्तो सहयोगले आफ्नो उत्पादन लागत घट्ने र आम्दानी बढ्ने अपेक्षा व्यक्त गर्दै आगामी दिनमा तालिम, प्राविधिक सहयोग तथा अन्य आवश्यक सामग्रीमा समेत सहयोग निरन्तर रहोस् भन्ने माग राखेका छन्। यस्ता कार्यक्रमले स्थानीय सरकार, राजनीतिक नेतृत्व र किसानबीचको सहकार्यलाई अझ मजबुत बनाउने विश्वास गरिएको छ।