जनकपुरमा 'पूल पार्टी' हुने 

न्यूज ब्यूरो, जनकपुरधाम । आउँदो असोज २९ गते जनकपुरधाममा पूल पार्टी हुने भएको छ । 

 

जनकपुरको होटल दरबार एण्ड नवरँग रिसोर्टमा आयोजना हुने उक्त पूल पार्टीमा स्वीमिँग सहितको कोक्टेल पार्टी हुने आयोजकले जनाएको छ । जेएफ क्रिउको आयोजनामा हुन लागेको उक्त पार्टीमा सहभागीको लागि रु. ५०० को टिकट दर समेत तोकिएको छ । टिकट लिएपछि आयोजकबाट कोक्टेल पार्टी ( मदिराहरुको संगम) सहित पूलमा नुहाउँदै ड्रिंक गर्न सकिने जनाइएको छ । 

जनकपुरमा पहिलो पटक हुन लागेको पूल पार्टी जिवनको अविस्मरणीय क्षण बनाउको लागि युवायुवतिहरुको आकर्षण बढेको आयोजकको दाबी छ । 

 

दशैँलाई अवसर पारेर यहाँका स्थानीय युवाहरुले बेग्लै मज्जाको इभेन्ट आयोजना गर्न लागिएको आयोजक टिमका राकेश चौधरीले जनाए । 

प्रतिव्यक्ति ५ सय रुपैयाँको टिकट तोकिएको छ ।