वीरगँजका मेयर राजेशमान सिँह पक्राउ, अरुको छोरीको बाउ बनेर नागरिकता बनाएको आरोप

न्यूज ब्यूरो, जनकपुरधाम ।  जनकपुरधाम उपमहानगरपालिकाले कक्षा ११ मा अध्ययन गर्न चाहने विद्यार्थीहरूका लागि निःशुल्क छात्रवृत्ति आवेदन खुला गरेको छ ।

उपहमानगरको शिक्षा, युवा तथा खेलकुद विकास शाखाले सूचना जारी गर्दै संस्थागत विद्यालयमार्फत छात्रवृत्ति वितरण प्रक्रिया अघि बढाएको जनाएको हो ।
उपमहानगरपालिकाका अनुसार संस्थागत विद्यालय छात्रवृत्ति वितरण कार्यविधि–२०८१ अनुसार विद्यालय स्तरीय छात्रवृत्ति वितरण समितिले नै छनोट परीक्षा सञ्चालन गरेर छात्रबृत्ति पाउने विद्यार्थीहरुको छनौट गर्ने कार्यक्रम रहेको छ ।

छात्रवृत्तिमा अध्ययन गर्न इच्छुक विद्यार्थीहरूले आफू अध्ययन गर्न चाहेको विद्यालयमै पुगेर आवेदन फाराम भर्न सक्ने व्यवस्था गरिएको छ । विद्यार्थीहरुले छात्रबृत्तिका लागि आवेदन फाराम भर्ने अवधि जेष्ठ ४ गतेदेखि जेष्ठ २० गतेसम्म तोकिएको छ ।

छात्रवृत्तिका लागि प्रवेश परीक्षा जेठ २२ गते बिहान ८ बजेदेखि सम्बन्धित विद्यालयमै सञ्चालन हुनेछ भने नतिजा जेठ २५ गते प्रकाशन गरिने जनकपुरधाम उपमहानगरपालिकाका नगरप्रमुख मनोज कुमार साहले जानकारी दिनु भएको छ ।

उपमहानगरपालिकाले विद्यार्थी, अभिभावक तथा सर्वसाधारणलाई समयमै आवेदन प्रक्रिया पूरा गर्न आग्रह गरेको छ । संस्थागत विद्यालयहरुले कक्षा ११ मा कूल भर्नाको १० प्रतिशत सिटमा गरिव, जेहेन्दार विद्यार्थीहरुलाई छात्रबृत्ति दिएर निःशुल्क पढाउनु पर्ने प्रावधान रहेको छ । प्रवेश परीक्षाको पाठ्यक्रम सम्बन्धित विद्यालयबाट उपलब्ध गराइने सूचनामा उल्लेख गरिएको छ ।