.gif){kind=spacer}
न्यूज ब्यूरो, जनकपुरधाम । धनुषा शहिदनगर नगरपालिकाका एक वडाध्यक्षले सार्वजनिक पोखरीको पौने पाँच लाख रुपैयाँ खाईदिएको आरोप स्थानीयहरुले लगाएका छन् ।
शहिदनगर नगरपालिका वडा नं. ६ का वडाध्यक्ष उमेश कुमार निरालाले सोही वडामा रहेको बडकी पोखरी धोबियाहीको ठेक्का रकम खाईदिएको आरोप लगाइएको छ ।
.png)
बडकी पोखरी धोबियाहीको लागि ४ लाख ७५ हजार रुपैयाँमा ठेक्का भएको थियो । सो रकम स्थानीय समुदायिक विद्यालयमा वा नगरपालिकामा राजस्वको रुपमा बुझाउनुपर्ने सहमति भएको थियो । तर, वडाध्यक्ष निरालाले भने सो रकम आफ्नै गोजीमा राखेको आरोप पूर्व वडाध्यक्ष राम एकवाल मण्डलले पनि लगाए ।
पोखरीको ठेक्का लिएका ठेकेदार जगदिश मुखियाले भने आफू रकम वडाध्यक्ष निरालाको हातमा दिएको बताए । न्यूज ब्यूरोसँगको कुराकानीमा मुखियाले ४ लाख ७५ हजार रुपैयाँमध्ये दुई लाख रुपैयाँ पोखरी सफाईमा कट्टा गरी बाँकीको रकम वडाध्यक्ष निरालाको हातमा दिएको दाबी गरे ।
राजस्वको सन्दर्भमा हठिपुरस्थित रहेको विद्यालयमा सम्पर्क गर्दा प्रधानाध्यापक सम्पर्कमा आउन चाहिनन् । उनले जानकारी पाएपछि फोन स्वीच अफ गरिन् ।
यता, नगरपालिकाको राजस्व शाखाका प्रमुख रामदेव यादवले भने वडा नं. ६ को पोखरीको ठेक्का रकम वापतको राजस्व नगरपालिकामा नबुझाएको पुष्टि गरे ।
यस सन्दर्भमा वडाध्यक्ष उमेश निरालासँग सम्पर्क गर्दा उनले फोनमा कुरा नगर्ने तथा भेटेरै कुरा गर्ने प्रतिक्रिया दिए । उनलाई फोनमै जानकारी दिन भनेपनि उनले यस सन्दर्भमा बोल्न चाहेनन् ।
धनुषाको कमला नगरपालिकामा असार २५ गतेभित्र विद्यालय व्यवस्थापन समिति बनाउन निर्देशन
- २०८३ असार ४ बिहीबार
न्यूज ब्यूरो, जनकपुरधाम । पूर्वी धनुषाको कमला नगरपालिकाका समुदायिक विद्यालयहरुमा व्यवस्थापन समिति गठनको लागि निर्देशन दिइएको छ । कमला नगरपालिकाभित्र रहेका समुदायिक विद्यालयहरुमा शिक्षा ऐन अनुसार असार २५ गतेभित्रै व्यवस्थापन समिति
पूरा पढ्नुहोस्
