.png)
न्यूज ब्यूरो, जनकपुरधाम । रसुवाको भोटेकोशी नदीमा आएको बाढीबाट प्रभावित परिवारको उद्धार तथा राहतका लागि धनुषाका श्याम यादवले ९५ हजार रुपैयाँ आर्थिक सहयोग गरेका छन् ।
कमला नगरपालिका–४, सघारा निवासी यादवले प्रधानमन्त्री दैवी प्रकोप उद्धार कोष तथा प्रधानमन्त्री राहत कोषमा उक्त रकम सहयोग गरेका हुन् ।
.png)
हाल अमेरिकामा बस्दै आएका यादवले विपद्का कारण पीडामा परेका नेपाली दाजुभाइ तथा दिदीबहिनीलाई आफ्नो क्षमताले भ्याएसम्म सहयोग गर्ने उद्देश्यले रकम प्रदान गरेको बताए ।
‘सहयोग ठूलो वा सानो हुँदैन । विपद्को कठिन समयमा एक–अर्काको साथ दिनुपर्छ भन्ने भावनाले आफूले सकेको सहयोग गरेको हुँ,’ यादवले भने ।
उनले आफ्नो सहयोगलाई ठूलो योगदानका रूपमा नलिई मानवीय भावनाले गरिएको सानो प्रयासका रूपमा लिन आग्रह गरेका छन् । आफ्नो सहयोगले अन्य व्यक्ति तथा समुदायलाई पनि बाढी प्रभावितको राहत तथा उद्धारमा सहयोग गर्न प्रेरणा मिल्ने उनले विश्वास व्यक्त गरे ।
‘हामी सबैले आफ्नो क्षमताअनुसार थोरै–थोरै सहयोग गर्ने हो भने बाढीबाट प्रभावित धेरै परिवारको पीडामा केही राहत पुर्याउन सकिन्छ,’ यादवले भने ।
यादवले विपद्को कठिन घडीमा पीडित नेपालीको साथ दिन र आफ्नो क्षमताअनुसार सहयोग गर्न सबैलाई आग्रह गरेका छन् ।
‘हाम्रो सानो सहयोग कसैको जीवनमा ठूलो आशा बन्न सक्छ,’ उनले भने ।
जनकपुरकी 'आरती सिँह' मिसेज नेपाल २०२० की प्रतियोगी, भोटको लागि अपिल, अब केही घण्टा बाँकी
- २०८३ भदौ १६ मंगलबार
न्यूज ब्यूरो, जनकपुरधाम । मिसेज नेपाल टुरिज्म २०२० की प्रतियोगी लागि जनकपुरकी आरती सिँहले आफूलाई भोंट गरी जिताउन अपिल गरेकी छन् । आज (मँगलबार) हुने प्रतियोगिताको ग्राण्ड फिनालेको लागि बिहान १२
पूरा पढ्नुहोस्
