धनुषाको लक्ष्मीनियाँ गाँपामा सडक विवाद, प्रत्यासी अध्यक्ष यादव र स्थानीयहरूद्धारा आन्दोलनको चेतावनी

न्यूज ब्यूरो, जनकपुरधाम। धनुषाको लक्ष्मीनियाँ गाउँपालिका–४ अन्तर्गत सपहीको काली ठाकुरको फूलबारी हुँदै रम्दैयासम्म निर्माणाधीन सडक विवादमा परेको छ। स्वीकृत नाप–नक्सा अनुसार निर्माण गर्न माग गर्दै स्थानीयवासीहरूले सम्बन्धित निकायलाई कडा चेतावनी दिएका छन्।

स्थानीयहरूका अनुसार सडक निर्माण कार्य सुरुदेखि नै पारदर्शी र प्राविधिक मापदण्डअनुसार हुनुपर्ने भए पनि त्यसको पालना नभएको गुनासो गरेका छन्। नेकपा एमालेका गाउँपालिका अध्यक्ष प्रत्याशी अजय कुमार यादवले नाप–नक्सा अनुसार चाँडो निर्माण कार्य अघि बढाउनुपर्नेमा जोड दिएका छन्।

यसैबीच, स्थानीयवासीहरूले वडा कार्यालय तथा गाउँपालिकामा संयुक्त रूपमा ज्ञापनपत्र बुझाउँदै शनिबारभित्र निर्माण कार्य स्वीकृत मापदण्डअनुसार सुरु गर्न अल्टिमेटम दिएका छन्। तोकिएको समयभित्र माग सम्बोधन नभए थप कडा आन्दोलनका कार्यक्रम ल्याउने चेतावनीसमेत दिइएको छ।

उक्त सडक निर्माणका लागि २०७६ साल माघ १९ गते नापी कार्यालय धनुषाबाट गाउँपालिकालाई पत्र पठाइएको थियो। त्यतिबेला गाउँपालिका अध्यक्षमा बिन्देश्वर यादव र प्रमुख प्रशासकीय अधिकृतमा हरि शंकर यादव रहेका थिए। पटक–पटक पहल भए पनि हालसम्म कार्यान्वयन नभएको भन्दै स्थानीयवासीहरू आक्रोशित बनेका छन्।

नेकपा एमाले गाउँपालिका अध्यक्ष प्रत्याशी अजय कुमार यादवको नेतृत्वमा गाउँलेहरू गाउँपालिका र वडा कार्यालय पुगेर ज्ञापनपत्र बुझाएका थिए। कार्यक्रममा कार्यपालिका सदस्य राम प्रबोध साह, पलट यादव, विवेका साह, शिव रतन यादव, अशोक साह,छेदी यादव, रजिन्द्र यादव, प्रदिप साह पोलिस साह, देव नारायण साह, डा। राम प्रकाश यादव, राजेश यादव, राम लगन साह लगायतको उपस्थिति रहेको थियो। गाउँपालिका अध्यक्ष प्रत्याशी यादवको भनाई अनुसार यो समसीया सातौँ वडामा छन यसलाई चाडैँ समाधान गर्द आग्रह समेत गरे। 

गाउँपालिका अध्यक्ष प्रत्याशी यादवले समयमै काम नभए ठूलो आन्दोलन गर्ने चेतावनी दिँदै स्थानीय सरकारलाई आफ्नो दायित्वअनुसार काम गर्न आग्रह गरेका छन्। उनका अनुसार उक्त सडक २०७६ सालमै निर्माण सम्पन्न भइसक्नुपर्ने भए पनि ढिलाइका कारण स्थानीयवासीहरूले सास्ती भोग्नुपरेको भन्दै यस अवस्थालाई दुःखद बताएका छन्।