आउँदो चैत्तमा मधेश प्रिमियर लीग हुने, सरकारी स्कूलहरुमा खेलकूद स्वयंसेवक राखिनेछः मन्त्री ई. कुशवाहा 

न्यूज ब्यूरो, जनकपुरधाम । मधेश प्रदेशका खेलकूल तथा समाज कल्याण मन्त्री ई. बसन्त कुमार कुशहावाले आउँदो चैत्तमा मधेश प्रिमियर लीग सँचालन गर्ने निर्णय भएको बताएका छन् । 

मँगलबार मन्त्री कुशवाहाको अध्यक्षतामा बसेको मधेश खेलकूद परिषद्को तेस्रो बैठकले आउँदो चैत्तमा मधेश प्रिमियर लीग सँचालन गर्ने निर्णय गरिएको हो । यसका साथै थप ६ वटा मुख्य निर्णयहरु गरिएको हो । 

बैठकबाट ⁠खेलकूद सम्बन्धी वार्षिक कैलेंडर तैयार गर्ने, ⁠सम्पूर्ण खेलहरूको स्थल तथा निर्माण कार्य सम्बन्धी मापदण्ड तैयार गर्ने, ⁠खेलकूद स्वयंसेवकहरूको रोस्टर तैयार गरी सामुदायिक बिद्यालयहरूमा प्रशिक्षकको जिम्मेवारी दिन पहल गर्ने, ⁠सुर्खेतमा हुने १०औ राष्ट्रिय खेलकूद प्रतियोगितामा सक्रिय सहभागिता गर्ने, ⁠मधेश प्रदेशमा ११औ राष्ट्रिय खेलकूद प्रतियोगिता २०८३ फाल्गुनमा संचालन गर्न आवश्यक पहल तथा पुर्वाधार निर्माण कार्य गर्ने र ⁠मधेश प्रदेशमा रहेका खेलकूद संघ संस्था दर्ता गर्ने प्रक्रिया शुरू गर्ने निर्णय गरिएको मन्त्री कुशवाहाले जानकारी दिए ।